2025eko ekainaren 8an ospatuko da Bedaioko Mendi Martxaren hamazortzigarren edizioa. Parte-hartzaileek bi ibilbideren artean hautatu ahal izango dute: bata luzeagoa, 23 kilometro ingurukoa eta Artubi mendia (1262 m) zeharkatzen duena, 1800 metroko desnibel metatuarekin; eta bestea laburragoa, 16 kilometro ingurukoa, mendian ibiltzeko ohitura duten familientzat aproposa, 8 urtetik gorako haurrentzat egokia.
Bi ibilbideek Bedaioko paraje ederrak zeharkatzen dituzte, mendi-bide, baso eta tontorretatik barrena. Bide laburraren partaideek aukera izango dute ibilbide luzea egiten dutenekin zati batzuk partekatzeko.
Izen-ematea martxaren egunean bertan egin daiteke, ekainaren 8an, baina antolatzaileok aurretiaz izena ematea gomendatzen dugu, antolaketa lanak errazteko. Horretarako, mezu bat bidali info@bedaio.com helbidera parte-hartzaileen datuekin eta aukeratutako ibilbidea adieraziz.
Hauek dira martxari buruzko informazio orokorra eta arauak:
- Izen-ematearen kostua: 15 €
- Data: 2025eko ekainaren 8a
- Hasiera eta amaiera: Bedaioko frontoian
- Kartela
Ibilbide Laburra
- Hasiera ordua: 8:30
- 3 kontrolgune (Zarate-Jazkugaina-Bedaio)
- Distantzia: 18 km
- Track-a
- GPX fitxategia
Ibilbide Luzea
- Hasiera ordua: 7:30
- 5 kontrolgune (Larrondo 1-Larrondo2, Zarate-Jazkugaina-Bedaio)
- Distantzia: 25 km
- Track-a
- GPX fitxategia
ARAUAK:
- Federatuei zein ez federatuei zuzendua.
- Ordainketa egunean bertan egingo da, irteera baino ordu erdi lehenago.
- Kontrol-puntu guztietan ordua eta sinadura erregistratzea derrigorrezkoa da.
- Azken kontrolgunea 17:00etan itxiko da.
- Zaborrak kontrolguneetan utzi behar dira, dagokion edukiontzian.
- Tokiko fauna, flora eta jabetza pribatuak errespetatu behar dira.
Antolatzaileek ez dute istripuen erantzukizunik hartuko beren gain.
